San Agustín távape, Guaraní aty peguápe, jojuhu
Upe arapokõi ohasava’ekuépe, Paraguái Ñe’ẽnguéra sãmbyhyhára, Javier Viveros, Ypykuéra Ñe’ẽ Ñeñongatu ha Ñemoasãi moakãharapavẽ, Rossana Bogado de Orué, ha hembiapo irũnguéra oñombyaty ypykuéra Guaraní atypegua ndive, oĩva San Agustín, Pedro P. Peña-pe.
Ko aty oiko Centro Comunitario, San Agustín peguápe, oñomoñe’ẽpeteĩ hikuái ko’ã mba’épe: Arete Guasu ñemota’angamýi. Ojejapóta ta’angamýi ko Arete Guasu ogueromandu’áva jepi hikuái, ikatu hag̃uáicha oñeñongatu ha oñemoasãi avei opa rupi.
Guarani ñe’ẽryru ojegueroguatakuaáva oñondive: oñemoñepyrũta oñondive Guarani ava aty ha PÑS ogueroguata ñe’ẽryru apo ñembosako’i, ojeheka hag̃ua viru oñemoañete hag̃ua ko apopyrã. Ko ñe’ẽryru rupive oñemombaretekuaa ko ypykuéra Guaraníva ñe’ẽ.
Mombe’upy ñemono’õ ha ñemohenda: umi mombe’upy osẽva Guarani atýgui oñeñeha’ãta oñemono’õ ha oñeñongatu, umi mitãrusu ñepytyvõme, ko ypykuéra aty pegua.
Oreaguyjevete San Agustín atýpe oremog̃uahẽ porãite rehe hekohapekuéra ha avei omoirũ kyre’ỹ rehe ko aty ha opa mba’e ojejaposéva.
